Latest Entries »

ජීවිතය ඉල්ලා ගොළුව සිටියා

"ජබොස්" සද්දයක් ඇහුන නිසා මම විගහට දුවගෙන ගියා ලිද තියෙන දිහාවට. දෙයියනේ එහා ගෙදර රෙක්සි අපේ ගෙදර ලිදේ වැටිල. ඌ ලිද ඇතුලෙ පීනගන්න බැරුව දගලනව.

අපේ ලිං බැම්ම හරිම පොඩියි. අද උදේ පාන්දර වැහැපු හින්ද කට ලගට වෙනකම් වතුර. ඌ කකුල් ගගහ පීනන්න බලනව, ඒත් ගිලෙනව. මේ වෙනකොට රෙක්සි ලිදේ වැටුන ආරංචිය අම්ම එහා ගෙදරට කියල. එහා ගෙදර පොඩි දුව අඩාගෙන අපේ ගෙවල් දිහාවට දුවගෙන ආව.

"අනේ රෙක්සී.... මගේ රෙක්සී...."

ලිදේ බැම්ම උස නැතිවූන නිසාත්, වතුර කට ලගට වෙනකම් පිරිල තිබුනු නිසාත් උගේම වාසනාවට මට අත්දෙක දාලා ඌව ගොඩ අරගන්න හැකිවුනා ඉක්මනටම.

ජීවිත වැඩි හරියක් බේරල අපේ රටේ වැඩිම ප්‍රමාණයක් කුසල් කරගන්නෙ ඉස්පිරිතාල වල දොස්තර මහත්වරු. ඒත් මම වගේ කෙනෙකුට ජීවිතයක් බේරන්න ලැබෙන්නෙ බොහොම කලාතුරකින්. අද මට ඒ වගේ ලොකු කුසල කර්මයක් කර ගන්න ලැබුන එක ගැන හරි සතුටුයි.


3 comments:

  1. ජීවිතයක් බේරගත් එක විතරක් නෙවෙයි; රෙක්සිට ආදරේ කරන අයගෙ හිතේ දුක නිව්වටත් ඔයාට හුඟක් පින්.

    ReplyDelete

ඔබේ අදහසත් ලියලම යන්න